Marami na akong kapatid sa nanay at tatay ko, pero mas marami pa yung mga kapatid ko sa labas, hindi man sa dugo pero sa puso. Maging ang iba rin nama’y may kapatid sa labas, sila yung mga tunay na kaibigan.
Yung kasa-kasama natin sa kasiyahan at kulitan, kahampasan kapag kinikilig, kaharutan, katsismisan at kung ano pa.
Sila rin madalas yung umuubos ng pagkain natin, tubig nila ang tubig mo, baon mo, baon rin nila. Minsan naman nagshe-share kayo tapos kunwari picnic kapag recess. Mama na nila yung mama mo, kulang na lang ampunin na sila ng mga magulang mo.
Madalas sila yung human diary mo. Kilalang kilala ka na nila. Sila yung mapagkakatiwalaan mo ng sikreto, maliban sa crushes kasi ibubuunyag nila. Minsan nga isang tinginan niyo pa lang naiintindihan niyo na ang isa’t isa. Tapos tuwang tuwan rin naman kayo kapag may bagong chika.
Hindi rin naman maiiwasan na magkaalitan kayong magkakaibigan, normal lang yun. Pero ang mahalaga, nagababati kayo sa huli at itatama ang mali ng bawa’t isa at mas lalong pinatatatag yung relasyon niyo.
isinulat at kuha ni:
Rachel Cajudo
Pasasalamat kay:
Fatima Sanchez
HUMSS 12-13
Humanist Talk 